وكالات//

عرفات ولاية كاليفورنيا ف ميريكان مطاردة بوليسية مثيرة اللي دازت كثر من جوج دالسوايع، من بعد ما قدرات واحد السيدة تهرب من يدين البوليس بعدما سرقات واحد الطومبيل من نوع “ميني فان”.

وهاد المطاردة دازت على ربعة ديال المقاطعات، وحتى سالات منين دخلات السيدة للأراضي ديال المكسيك، فواقعة اللي دارت نقاش كبير على فعالية الإجراءات الأمنية فالحدود وقدّاش السلطات قادرة تتعامل مع بحال هاد الحالات.

وحسب تقارير محلية، الوقاية وقعات نهار الاثنين اللي فات، ملي سرقات داك السيدة الطومبيل من مركز لعلاج مدمني الكحول اللي كانت ساكنة فيه فواحد المنطقة سميتها “ثاوزند أوكس”.

البوليس تابعها فمطاردة اللي دازت تقريبا 241 كيلومتر وبسرعة وصلات لـ 144 كيلومتر ف الساعة، عبر جنوب كاليفورنيا.

ورغم المحاولات ديال البوليس باش يوقفوها باستعمال “الأشرطة المسننة”، قدّرات تفاداهم ووصلات للحدود، ومنين وصلات لتما البوليس وقف المتابعة لدواعٍ أمنية، وهكذا قدّرات تعبر الحدود للمكسيك بلا مشاكل.