وكالات//

قدرو البوليس ديال مصر يحلو اللغز ديال السرقة دالفيلا ديال الممثلة المصرية المشهورة غادة عبد الرزاق في العاصمة المصرية القاهرة.

على حساب ماقالت الصحافة ديال مصر، فمباشرة بعدما تاصلات غادة عبد الرازق بالبوليس، نهار الجمعة، تحل واحد لونكيط باش يشوفو شكون لي سرق ليها الذهب ديالها.

وبعدما عاودو رجعو للكاميرات لقاو أن حتى واحد مادخل وماخرج من الفيلا ديالها، وهو شي لي خلاهم يشكو في الخدمات لي عندها لداخل.

وبعد الاستجواب ديالهم، عتارفو 2 خدامات ديال غادة عبد الرازق، ولي عندهم جنسية نيجيرية، بأنهم هوما لي سرقوه، وقالو أن السبب هو أنهم كيعانيو من ظروف مالية صعيبة.