عمـر المزيـن – مكتب الرباط//

المديرية العامة للأمن الوطني حطات خطة عمل لإنجاح الاحتفالات ديال “نويل” حسب  مصادر  قالت لـ”كود”، على أن العمليات الأمنية اللي غادي تكون فمختلف المدن والمناطق المغربية غادي يشاركو فيها البوليس ديال المعهد الملكي للشرطة فالقنيطرة بكثرة.

الهدف من المشاركة ديال هاد الفئة لي مزال كتخضع للتدابير فالمعهد الملكي ديال البوليس، كتقول مصادر “كود”، هو اكتساب تجارب وخبرات أمنية فالشارع العام، وغادي تكون مناسبة ايضا لتكوينهم أكثر وتدريبهم. وبطبيعة الحال غادي يكون تحت الإمرة ديال المصالح الأمنية اللاممركزة بمختلف المدن.

ومن جهة أخرى، توضح مصادر “كود”، البوليس ديال المعهد غادي يعاونو مختلف المصالح  للحفاظ على النظام العام وحماية المؤسسات العمومية والبعثات الدبلوماسية.