وكالات//

البوليس الأسترالي قدرو يرجعو 43 دمية نادرة من سلسلة “لابوبو”، كانت مسروقة، وتقدّر قيمتها كلها بحوالي 9 آلاف دولار أسترالي (يعني تقريباً 6 آلاف دولار أمريكي). العملية وقعات فـ مدينة ملبورن، بعدما دارت الشرطة تحقيق دام شهور ورا سلسلة ديال السرقات.

حسب قناة 9News Australia، البوليس داهم واحد الدار نهار 21 أكتوبر، ولقاو فيها الدمى، اللي فيهم نسخ محدودة الإصدار، وكل وحدة فيهL كتسوى تقريبا 340 دولار.

السلطات وُجّهت أربع تهم ديال السطو وتهمتين ديال السرقة لراجل عندو 40 عام، وخرّجوه بكفالة على أساس يمشي للمحكمة فـ 5 ماي 2026.

التحقيقات كتشير أن هاد الدمى المحشية، اللي معروفة بآذانها المدببة وسنانها التسعة، تسرقات من مول “ملبورن سنترال” فـ أربع مرات مختلفة من شهر يوليو اللي فات.

“لابوبو” داخلة فـ سلسلة ألعاب اسمها “الوحوش”، صمّمها واحد الفنان سميتو كاسينغ لونغ، وولات مشهورة عالمياً بعدما تبان مع مشاهير كبار بحال ريهانا، ليزا، ودوا ليبا.

الأسعار ديال صناديق هاد الدمى كيتفاوتو، حيث الصندوق اللي فيه دمية وحدة كيكلّف حوالي 24.90 دولار أمريكي، والمجموعة الكاملة اللي فيها ستّة دمى كتكلّف تقريباً 149.90 دولار.