وكالات//

شدّو البوليس ديال لاس فيغاس مرا بعدما خلّات كلبها فمطار هاري ريد الدولي، فواقعة دارت ضجّة كبيرة فوسائل التواصل الاجتماعي.

وقالو البوليس باللي الضباط جاهم بلاغ على كلب مربّوط فواحد جهاز ديال قياس وزن الشُنط اليدوية حدّا مكتب التذاكر ديال شركة  JetBlue، من بعد ما ما قدراتش مولات الكلب تكمل وثائق الاعتماد ديالو على أساس كلب خدمة، وهاد الشي خلاّهم يرفضو يعطيوها بطاقة الصعود للطائرة. وزادوا قالو: “المرا خلّات الكلب ومشات لبوابة المغادرة‘‘.

ومن بعد لقاو البوليس المرا حدّا البوابة، وقالات ليهم باللي كانت دايرة فالكلب جهاز تتبّع، وحسباتها تقدر تخلّيه شوية فالمطار على أمل ترجع ليه. ولكن منين حاولوا الضباط يشدوها فنقطة التفتيش، بدات كتقاوم، ومن تما تشدّات وتسجّلات عليها تهم ديال التخلّي على حيوان ومقاومة الاعتقال.