أنس العمري – كود//

البوليس جبدو لفرادة على قتال. عناصر الشرطة القضائية بمدينة المحمدية٬ على حساب بيان للامن الوطني توصلات بيه “كود” جبدات فردي الخدمة، هاد العشية الخميس 18 أكتوبر الجاري، باش تحاصر وتوقف شخص كان فحالة اندفاع كبيرة وكيهدد حياه البوليس والسكان بسيفو لكبير فكاريان “دوار الشيخ” القريب من لوطوروت.

بلاغ للأمن الوطني، گال باللي البوليس وقفو هاد المشتبه بيه اللي بلغو عليه السكان. السيد متهم بالتورط فجريمة قتل عمد بضواحي المحمدية.
البوليس شد هاد المتهم وشافو كيفاش مثل بهاديك الجثة وباعضاءها.

مصدر قال ل «كود»، باللي عمليات التمشيط مكنات من العثور على الجثة، فبلاصة قريبة من لوطوروت وباللي خدامين فتشخيص هوية الضحية وتحديد أسباب الجريمة.

المتهم اللي قال البيان باللي كان فحالة ماشي طبيعية كيحققوا معاه باشراف النيابة العامة. تحقيق غادي يكشف تفاصيل هاد الجريمة الخايبة