الرئيسية > كود-تيفي > البوليس تيراو عليها بالقرطاس.. لفعة تلوات على عنق الدري اللي مربيها وكانت شوية تقتلو – فيديو
27/07/2022 05:00 كود-تيفي

البوليس تيراو عليها بالقرطاس.. لفعة تلوات على عنق الدري اللي مربيها وكانت شوية تقتلو – فيديو

البوليس تيراو عليها بالقرطاس.. لفعة تلوات على عنق الدري اللي مربيها وكانت شوية تقتلو – فيديو

وكالات //

فالعشية ديال نهار الأربعاء 20 يوليوز، فمنطقة “Fogelsville”، شمال شرق ولاية بنسلفانيا، هاجمات لفعة كبيرة الولد اللي مربيها فميريكان، وكانت شويا غادي تقتلو لولا تدخل البوليس بالقرطاس.

قناة “سي إن إن” قالت بللي ضابط فالبوليس فبنسيلفانيا (شمال شرق ميريكان) تيرا قرطاسة جات للفعة فراسها، باش قدر يعتق الضحية اللي كان مغيب.

هاد اللفعة، اللي فيها أكثر من 4 مترو ونص فالطول، تلوات على عنق الشاب اللي مربيها وخنقاتو، وهو السبب اللي خلاه يغيب، ومباشرة عيطو دارهم للبوليس اللي كون ماعتقوهش فالوقت المناسب كون صفاتها ليه.

ومللي تيراو البوليس فاللفعة هربات، ولكن القرطاسة ديجا كانت جات فراسها وتسببات فموتها من بعد، والدري الضحية، اللي عندو 28 عام، راه كيتعالج فالصبيطار.

من جهة أخرى، جيران الضحية قالو بللي كيشوفوه ديما هاز معاه شي حنش فالجردة حدا دارهم، وزادو أكدو بللي عندو بزاف ديال اللفاعي مربيهم من غير هادي اللي حاولات تقتلو.

موضوعات أخرى

16/08/2022 19:30

تأكيدا للي نشراتو “كَود”. الداخلية لونصات الحركة الانتقالية الخاصة برجال السلطة.. استافدو منها 1819 و315 اللي خداو الترقية