وكالات//

قالت مصادر على صلة بالتحقيق ان الاب والام ديال المشتبه به فإطلاق النار في ستراسبورگ وخوتو احتاجزوهم للاستجواب.

وانتشرت قوات الشرطة اليوم الأربعاء  فستراسبورگ ودارت دوريات على الطرق السريعة القريبة من الحدود الفرنسية الألمانية لملاحقة المسلح شريف شيكات اللي قتل ثلاثة أشخاص وأصاب نحو 12 لواحد بجروح  لبارح بالليل في سوق  ديال نويل.

وقال واحد من جيران شيكات ان المتهم كان شاب عادي كيلبس كيطمات على عكس خوه لكبير اللي ديما كان كيلبس الجلابا وباينين فيه مؤشرات التطرف.

وأضاف بأنه مكانش كيشوفو بزاف حيت كان كيدوز  فترات طويلة فالحبس. وقالت الشرطة الفرنسية انه سبق وتشد بسبع وعشرين تهمة سرقة وعنف ودوز فترات فالحباسات ديال فرنسا وسويسرا وألمانيا.

وقال ريمي يت ممثل الادعاء فباريس ان شيكات كان كيغوت “الله أكبر” خلال الهجوم.

وقال يت للصحفيين اليوم “نظرا للهدف وأسلوب الهجوم والسجل ديالو وشهادات اللي سمعوه كيغوت “الله أكبر” تم استدعاء شرطة مكافحة الإرهاب”.

https://twitter.com/PoliceNationale/status/1072919322610335750?s=20