كود – 24news //
البوليس الإسرائيلي علن يوم اتنين بلي غادي يوقف استعمال سائل عسيلة، المادة اللي كتسبب ريحة خايبة بزاف وكتستعمل باش يفرقو بيها الاحتجاجات، الكونطرا مع الشركة المنتجة لهاد المادة غادي تقطع فالأيام الجاية، وهاد القرار جا بعد صداع لي ناض مؤخرا مابين المحتجين و المسؤولين.
المصدر الأمني قال أن البوليس كيدرس وسائل بديلة، وإذا لقاوها مناسبة غادي يعوضو بيها استعمال حيوان الظربان، باش تكون فعالة فتفريق المظاهرات بلا ما تسبب أذى كبير للناس، البوليس أكد أن السلامة العامة هي الأولوية، وأن أي وسيلة جديدة غادي تكون متوافقة مع القوانين المحلية.
هاد القرار جا بعد ما رفعو سكان القدس المتشددين دينياً، مع نائب رئيس البلدية مئير بريم، عريضة للمحكمة العليا كيطالبو فيها البوليس ووزير الأمن إيتامار بن غفير باش يحبس استعمال الظربان فهادشي ، العريضة شدات الانتباه فالأوساط الإعلامية والسياسية، ودفعات المسؤولين يقلبو على البديل .
من جهة أخرى، استعمل البوليس الإسرائيلي سائل الظربان لسنوات طويلة كوسيلة لتفريق الاحتجاجات، خصوصاً فالمظاهرات اللي كتكون شاعلة ، حيث ريحتو الخايبة كتهرس الروح د المحتجين وكتخليهم يشتتو، بزاف ديال الناس والشخصيات الحقوقية انتقدو هاد الأسلوب، حيث كيشوفوه كيأثر حتى على الناس اللي ما عندهم علاقة بالمظاهرة.
موضوعات أخرى
ترامب: ممكن نعقدو اتفاق مع إيران الشهر الجاي
المغاربة هوما تانيين عالمياً لي خداو فيزات شنگن د فرنسا فـ2025
اشنو علاقة البيدوفيل الفرنساوي لي اغتصب كتر من 80 واحد بالمغرب ؟
