الرئيسية > كود-تيفي > البوليس الإسباني فك ريزو مكلف بنقل الحشيش المهرب من المغرب لفرنسا – فيديو
06/10/2022 07:00 كود-تيفي

البوليس الإسباني فك ريزو مكلف بنقل الحشيش المهرب من المغرب لفرنسا – فيديو

البوليس الإسباني فك ريزو مكلف بنقل الحشيش المهرب من المغرب لفرنسا – فيديو

كريم الصوفي – كود//

[email protected]

قالت تقارير إخبارية، أن بوليثيا ناثيونال ف إسبانيا تمكنو بعد مطاردة طويلة ف منطقة ملگة، من اعتقال فرنساويين دوخو البوليس باش يهربو الحشيش ف طوموبيلات وفارگونيط، وفي الأخير تشدو متلبسين بحيازة 700 كيلوگرام ديال الحشيش.

وقالت المصادر ذاتها، أن ضباط الشرطة الوطنية شدو المتهمين على مستوى الأوطوروت بين الجزيرة الخضراء وملگة. وتم تفكيك هاذ الريزو بعد التوصل بخبيرات ف غشت الفايت حول عملية مفترضة لفرنسيين كيخططو باش ينقلو الحشيش المهرب من المغرب ف اتجاه فرنسا انطلاقا من منطقة توريمولينوس.

وحسب التقارير، جاو فرنساويين بالفعل للمنطقة وتبين بعد البوانتاج ديالهم ارتباطهم بشبكات إجرامية متخصصة ف تهريب الحشيش. المتهمين تشدو ف كمين أمني وحاولو يهربو لكن تشدو ف طريق مقطوعة بالقرب من سان بيدرو ألكانتارا. وحسب السلطات الفرنسية، الموقوفين عندهم سجلات جنائية متعلقة بالسرقة والحيازة غير القانونية للأسلحة وتهريب المخدرات..

 

 

موضوعات أخرى