الرئيسية > آش واقع > البوليسي جاب الربحة وأمين الراضي دار البوز
21/05/2019 12:30 آش واقع

البوليسي جاب الربحة وأمين الراضي دار البوز

البوليسي جاب الربحة وأمين الراضي دار البوز

هناء ابو علي – كود ///

شفتو داك المثل القديم اللي تيقول تقليقت الفار من سعد المش، ياك، إيوا راه هيا اللي وقعهات فداك البلان ديال أمين الكوميدي والبوليسي ديال أناسي.

دابا داك البوليسي لي ضرب أمين الكوميدي، طاح في فخ ومقلب الممثل، حيث اللقطة اللي دارها واعرة وغادا وتتجمع في الكومونتيرات والجيمات، من غير الشوفات، يعني les vues/ / ومعلوم فنان كيف هذا يالله تيشق طريقو نحو العالمية، تيقلب على رفع les vues/ / كثر من رفع المستوى ديالو، وعيلها صيد االبوليسي، وشعلو، ومشار يدير لايف عمرو ماغادي يجمع فحياتو داكشي اللي جمع ليه. عرفتو علاش حيت بنادم حاقد على البوليس.

دابا خاص يدار فالتكوين ديال الشرطة هاد القضية تحت شعار حضي راسك لا يفوزو بيك القومان يا فلان، وينبهوهوم في شي دروس بلي راه كاين اللي يربح البوز والفلوس من ورا النرفزة ديالكم والتهور ديالكم، ويقدر يشوفكوم العالم كولو، ورغم أنكم كنتم في حالة استفزاز أو تعرضتو للإهانة تاشي حد ميتيقكم، بل حتى الإدارة معندها مادير ليكم، حيت اللسلوك اللي تصور وشافوه الملايين، ما شي سلوك ديال شرطي لابس الكسوة وتيمثل دولة تتقول بلي تعترف بحقوق الإنسان كما هو متعارف عليها وزيد وزيد….

انتباه راه ولاو التلفونات بحال المنداف، كلشي تيقلب على البوز والشهرة.

موضوعات أخرى