علي الصافي-كود-العيون ///

فشل ذريع لجبهة البوليساريو ومن وراها الجزائر فجنيف السويسرية صباح اليوم، حيث فشل الطرفان في لملمة شتات مناصريهم فأوروبا باش يديرو مظاهرة فساحة الأمم المتحدة أمام مقر مجلس حقوق الإنسان التابع للأمم المتحدة بالموازاة مع الإجتماع السنوي للمجلس.

أسباب هاد الفشل تجلت فالحضور الضعيف الذي لم يتجاوز مية حتا لمية وخمسين واحد، واخا كانو بداو يحضرو ليها منذ زهاء الأربعة أشهر وجمعو ليها لفلوس ودارو الصينية لجالية الجزائر ومناصري البوليساريو في اوروبا، وكانو بغاو يتورخوها حسب الدعاية الإعلامية لي دارو من قبل. لكن الواقغ شكل صدمة ليهوم.

الفضيحة كانت تاريخية اليوم وبرهنت على قدراتهم وتعدادهم الضئيل، عكس الصحراويين الوحدويين لي كانو خرجو فالعيون شحال هادي تنديدا بتصريحات الأمين العام السابق للأمم المتحدة بان كي مون.