الوالي الزاز -كود- العيون///

[email protected]

تحظى تصريحات السفير الفرنسي لدى المملكة المغربية باهتمام كبير فصفوف جبهة البوليساريو اللي لقات فيها وسيلة باش تلفت الأنظار لنزاع الصحراء وتصورها منو واستهلاكو إعلاميا.

وفهاد الصدد ومن بعد بيانها اللي رفضات فيه التصريحات واستعمالاتها باش تصور راسها ضحية، خرج مسؤول خارجيتها محمد سيداتي كيطالب فرنسا بأنها تعيد النظر فسياستها بخصوص نزاع الصحراء بحكم أنها تدعم المغرب، معتبرا أن فرنسا خاصها تعتامد الحياد.

واتاهم القيادي فالبوليساريو فرنسا بارتكاب أخطاء تاريخية فنزاع الصحرا والمشاركة فيه بطريقة مباشرة وغير مباشرة إلى غاية اليوم، متهما فرنسا بتغذية نزاع الصحراء والمسؤولية عن استمراره، وبتقويض الجهود الأممية الرامية إلى التوصل إلى حل سلمي للنزاع.

وربط القيادي فالبوليساريو بين فرنسا والمنطقة فإشارة لأن نزاع الصحراء غادي يسبب ليها مشكل مع الجزائر فاش قال إن سياسة فرنسا السلبية فنزاع الصحرا لا تتناسب مع فرنسا اللي عندها علاقات كثيفة بالمنطقة.