محمود الركيبي -كود- العيون //

نظمات مايسمى ب”تمثيلية البوليساريو فألمانيا”، محاضرة وعنونتها ب”العنف الاستعماري والتجاهل الدولي”، وماتسوق ليها تا واحد، وحتى الحضور كان باهت بزاف.

تمثيلية البوليساريو، قالت بأنها بغات تسلط الضوء على معاناة الشعب الصحراوي، غير أنها فشلات فترويج لمثل هذه المسرحيات بدولة ألمانيا، حيت ماكانش تفاعل وماكانش حضور لهاد المحاضرة، لي شرفات عليها ممثلة الجبهة فألمانيا النجاة حندي.

بعض الحضور الباهت تبادل الكلمات خلال هاد المحاضرة، لي جاها قليل من الأشخاص المحسوبين على جبهة البوليساريو بأوروبا، وحتى صور الحضور كانت قليلة بزاف، مما يوضح بجلاء فشل البوليساريو فجلب تعاطف اوروبي ودولي لقضية الصحراء، فظل الانتصارات التي تحققها الدبلوماسية المغربية على الميدان.