الرئيسية > آش واقع > البوليساريو خايفة على راسها. كترد على خطاب الملك بطريقة بئيسة
01/08/2021 19:30 آش واقع

البوليساريو خايفة على راسها. كترد على خطاب الملك بطريقة بئيسة

البوليساريو خايفة على راسها. كترد على خطاب الملك بطريقة بئيسة

كريم الشركي-كود///

الاعلام الجزائري مالقى حتى طريقة باش يرد على خطاب الملك، من غير الهجوم، ورغم ان ملك البلاد طلب من الجزائر انها تفوت خلافات الماضي، لكن رد الجزائريين جا سريع ليبين انهم هوما لي ماباغيين حل وباغيين الصداع واخا ديما كيتباكاو وكيقولو ان المغرب لي باغي الصداع وكيحاول ينوض ليهم الصداع وكيضدر ليهم لحشيش وكيغرقهوم بالمشاكل.

خطاب الملك حط الجزائريين فورطة ومالقاوش كيفاش يديرو يردو، فتكلفت البوليساريو بالردود ديال الوكالة، وناض الاعلام الجزائري كينقل هاد الرد بالوكالة على صفحات المواقع والوكالات.

البوليساريو قالت ان خطاب المغرب كيتناقض مع الواقع، وبدات كتدخب وتخرج فالهضرة، وكتثول ان المغرب هو لي خرق اتفاقية السلام وشي هضرة ماعندها لا راس لا رجلين.

وزادت ان خطاب الملك هو فقط لربح الوقت باش يجيب العتاد الحربس، وكأن الجزائر كانت واقفة بدابابتها لحرب المغرب، وخطاب الملك جا باش يوقف هاد الحرب، المهم الرد كان كل تخربيق حقاش رد متسرع وماكانوش متوقعين ان محمد السادس غادي يدير هاد الخطوة، لذلك جا ردهوم مشوش ومتسرع وماشي متناسق.

https://www.echoroukonline.com/%D8%AE%D8%B7%D8%A7%D8%A8%D9%83-%D9%8A%D8%AA%D9%86%D8%A7%D9%82%D8%B6-%D8%A8%D8%B5%D9%81%D8%A9-%D9%85%D8%B7%D9%84%D9%82%D8%A9-%D9%85%D8%B9-%D8%AA%D8%B5%D8%B1%D9%81%D8%A7%D8%AA%D9%83-%D9%88%D9%85%D8%A4

موضوعات أخرى

18/09/2021 13:30

جهة فاس مكناس.. انتخاب نوفل شباط رئيس لجماعة “برارحة” والفايق خدا الرئاسة فـ جماعة ولاد الطيب بالأغلبية ولعفو فـ جماعة عين الشقف والبوزيدي فـ تاونات