الرئيسية > آش واقع > البوليساريو بغات تستاغل حملة السلطات على الحريگ بالكذوب وراسلات الامين العام للأمم المتحدة ودي ميستورا ومجلس الأمن
20/02/2024 18:30 آش واقع

البوليساريو بغات تستاغل حملة السلطات على الحريگ بالكذوب وراسلات الامين العام للأمم المتحدة ودي ميستورا ومجلس الأمن

البوليساريو بغات تستاغل حملة السلطات على الحريگ بالكذوب وراسلات الامين العام للأمم المتحدة ودي ميستورا ومجلس الأمن

الوالي الزاز -كود- العيون///

[email protected]

سارعت حبهة البوليساريو لمراسلة الأمين العام للأمم المتحدة، أنطونيو گوتيريش، والمبعوث الشخصي للأمين العام للأمم المتحدة لنزاع الصحراء، ستافان دي ميستورا، ورئيس مجلس الأمن الدولي دولة غويانا، بخصوص الحملة التي تقودها السلطات المحلية على مستوى المملكة المغربية في سبيل تحرير الملك العام ومحاربة الهجرة غير الشرعية.

وحاولات البوليساريو تعطي لهاد الحملة صبغة سياسية وتستاغلها لصالحها من خلال رسالة عامرة مغالطات ومصطلحات فضفاضة كتقدم الوضع فالصحرا بنظرة سوداوية تؤكد وضعية التخبط الذي تعيشه البوليساريو وعشوائيتها مع نظام العسكر فالتعاطي مع الإستقرار والأمن اللي كتشهدو مدن الأقاليم الجنوبية للمملكة.

وعلقات البوليساريو فشلها على الحملة المغربية على الهجرة غير الشرعية وإحتلال الملك العمومي فظل هاد الأزمة السباسية اللي كتعيشها خاصة مع التحذيرات الأمريكية والإسبانية والبريطانية من الإرهاب فتندوف تزامنا مع تنظيمها لماراطون الصحرا.

الرسالة ديال زعيم البوليساريو تعكس الكذب والبهتان اللي كتستعملو فسبيل أنها تروج لأطروحتها  وتضري الوحدة الترابية، فالوقت اللي المغرب خدام على تنمية أقاليمو الجنوبية بشهادة مختلف الوفود الأجنبية المسؤولة اللي كتجي للعيون والداخلة وتطلع على الواقع بعيد على التصور السوداوي اللي كتروج ليه وكتستاغل فيه أناس ما عندهم علاقة بالسياسة.

موضوعات أخرى