الرئيسية > كود سبور > البنزرتي جراو عليه من النجم الساحلي…واش الوداد كيفكر يرجعو مرة أخرى
26/09/2019 09:00 كود سبور

البنزرتي جراو عليه من النجم الساحلي…واش الوداد كيفكر يرجعو مرة أخرى

البنزرتي جراو عليه من النجم الساحلي…واش الوداد كيفكر يرجعو مرة أخرى

مصطفى الشاذلي – كود سبور//

فوزي البنزرتي، المدرب السابق للوداد البيضاوي، جراو عليه من النجم الساحلي، بعد إقصاء الفريق من مسابقة كأس محمد السادس للأندية العربية.

النجم الساحلي ما عقلش على ولد بلادو، وجرا عليه بعد الهزيمة أمام شباب الأردن فالبطولة العربية، وهاد الإقالة كانت منتظرة، لحقاش المسؤولين ديال الترجي ما راضيينش على النتائج، لي دار منذ التحاقه بالفريق التونسي.

النجم الساحلي ضيع كأس تونس، بعدما خسر الفينال أمام الصفاقسي وخرج من البطولة العربية، لي كايحمل لقبها، ودابا قريب يودع عصبة الأبطال الإفريقية.

دابا واش الوداد البيضاوي كيفكر مرة أخرى يجيب البنزرتي، إلا ما قلعش زوران مع الفريق، خصوصا أن الخسارة أمام الجيش فكاس العرش خلاتو كيتعرض لانتقادات كثيرة.

هادشي ما غاديش يكون غريب على الوداد البيضاوي، لي سبق لي جاب البنزرتي بعدما خلاه ومشا المنتخب التونسي، ومنين جراو عليه لقا الوداد كتسناه.

البنزرتي هو لي بغا يمشي من الوداد ما جرا عليه حتا واحد، وما شي بعيد يرجع فوقاش ما بغا، المدرب زوران خاص يعرف إلا ما حققش نتائج إيجابية مع الوداد، غادي يلقا البنزرتي فجنبو شي نهار.

موضوعات أخرى