گود سبور//

عبر التونسي فوزي البنزرتي مدرب الوداد الرياضي على الفرحة ديالو بعد الرباح الكبير اللي حقق الفريق على شباب المحمدية اليوم الاحد فتيران البشير، ضمن الدورة 17 من البطولة الاحترافية، وأكد أن هاد الوداد هو الفريق اللي كيبغي وأن اللاعبين الجداد عمر سيدي بونا، وأدي أوگنس عطاو الإضافة.

وتحدث فوزي البنزرتي بعدما ربحو الوداد المحمدية بنتيجة 5 لجوج، وقال: “مدة هادي ما شفت الوداد بهاد النيفو هادي هي الوداد اللي كنبغي واليوم كلشي كان موجود ولعبنا بطريقة هجومية وهادي هي طريقتنا فاللعب والضغط على الخصم واليوم كان الديكليك ديال الوداد”.

وكمل فوزي البنزرتي: “اليوم شفت الوداد اللي كنبغيها أنا، والطريقة اللي كنحبها، كانوا ناقصينا الأهداف فالماتشات الماضيين اللي ما نجحناش فيهم وخا كنا كنهاجمو ولكن كان التسرع، واليوم شفنا كانت السرعة وصلحنا الأخطاء اللي كانت قبل، وكنت جيت فوقت ضيق”.

وبخصوص اللاعبين الجداد ديال الوداد اللي لعبو اليوم قال البنزرتي: “اللاعبين الجداد عطاو الإضافة اليوم وعندهم التنافسية داكشي علاش دخلاناهم يلعبو فالماتش ضد المحمدية”.