كود سبور//

قرر النجم البلجيكي إيدن هازارد يدير حد للمسار ديالو فالكورة ويعلق الصباط بكري مقارنة مع لاعبين أخرين فأوروبا، وقرر اليوم الثلاثاء اعتزال ممارسة اللعبة.

وأعلن إدن هازارد مول 32 عام، هذا الصباح قرار اعتزال كرة القدم، بعدما لعب 16 عام، مع منتخب بلجيكا وساهم فالوصول ديالو فدومي فينال كوب ديموند 2018، وتألق أيضا، مع تشيلسي النكليزي بشكل كبير، وربح معه عدد من الألقاب بحال دوري أبطال أوروبا وبطولة النكليز.

إيدن هازارد ملي انتقل لريال مدريد الإسباني عام 2019، توعت وما قدرش يرجع يدير بلاصتو من وراها مع الفريق ومن تما هو ما كيلعبش وحتى إلى كان فالاحتياط ما كيدخولش وبقى لثلاثة سنوات على نفس الحال حتى سالا معهم نهاية الموسم الماضي.