الرئيسية > آش واقع > البكا والحماق بلا حدود.. رئيس برلمان نظام العسكر فـ الجزائر: زيارة وزير الدفاع الإسرائيلي للمغرب كتستهدف بلادنا.. وزاد كيغوت: فين خوتنا العرب!
25/11/2021 19:30 آش واقع

البكا والحماق بلا حدود.. رئيس برلمان نظام العسكر فـ الجزائر: زيارة وزير الدفاع الإسرائيلي للمغرب كتستهدف بلادنا.. وزاد كيغوت: فين خوتنا العرب!

البكا والحماق بلا حدود.. رئيس برلمان نظام العسكر فـ الجزائر: زيارة وزير الدفاع الإسرائيلي للمغرب كتستهدف بلادنا.. وزاد كيغوت: فين خوتنا العرب!

كريم الشركي – كود //

ففيديو نشراتو وكالة الأنباء الجزائرية، بأن رئيس ما يمسى “مجلس الأمة” الجزايري، صالح قوجيل، وهو كيهضر على زيارة وزير الدفاع الإسرائيلي للمغرب، واللي تم فيها توقيع اتفاقيات غير مسبوقة مع شي دولة فالمنطقة.

رئيس هاد المجلس الجزائري، قال بللي هاد الزيارة المستهدف فيها هي بلادو، ومشيرا (نفس الكاسيطة البالية) أن الجزائر كانت ديما مع “استقلال الشعوب”، وطبعا هادشي كلشي عارفو كذوب إلا هوما، حقاش هوما ماكيساندو (مثلا) لا إيرلنديين لا كتالونيين لا باسكيين لا كورسيكيين، لا حتى شي “شعب” آخر، من غير مرتزقة البوليساريو.

المسؤول الجزائري اللي اعتابر أن زيارة وزير الدفاع الإسرائيلي للمغربت ستهدف الجزائر، لدا كيعوت ويشكي وتساءل فين هوما خوتنا لعرب؟، فين هوما خوتنا الفلسطينيين؟، وكيتزايد فالخاوي وراسو عامر أوهام وغارق فنظرية المؤامرة وكأنه كيقول ليهم “حنا كاندافعو على فلسطين وكناكلو الدق بوحدنا”، ونسا أن طريقتهم المعروفة في “الدفاع” على فلسطين هي بحرق علم اسرائيل و الغوات الإعلامي فقط.

ومن بين علامات الكلاخ أيضا ديال هاد رئيس برلمان نظام العكسر هو فاش كَال: “لو كانت هذه الزيارة من طرف وزير سياحة أو اقتصاد فقد يمكن تفسيرها على أنها تدخل في  إطار العلاقات بين الجانبين، ولكن عندما يتعلق الأمر بزيارة وزير دفاع، فإن الجزائر هي المقصودة”.

كما جدد خلال كلمته أمام أعضاء ذات المجلس، موقف بلاده العدائي ضد المغرب ومن النزاع الإقليمي حول الصحراء، والداعم لأطروحة البوليساريو.

موضوعات أخرى

07/12/2021 22:45

واش بداية صفحة جديدة بين برلين والرباط. المانيا: ما عمر شي تقرير استخباراتي ديالنا فيه باللي المانيا لا تريد تركيا جديدة فغرب المتوسط والمغرب للي هو شريك محوري بالنسبة لينا

07/12/2021 20:00

لكذوب والفايك فاخبار كورونا والفايك والڤاكسان والجرائم الإلكترونية. سبيك : ها المقاربة المغربية فمواجهة التهديدات الرقمية اللي غاديا وكتزاد