گود سبور//

وجه محمد البكاري مدرب رجاء بني ملال، ميساج استغاثة للمسؤولين على النادي باش يوقفو الصراعات والتطاحنات ويتعاونو لتحقيق الصعود إلى القسم الأول من البطولة.

وسول جورنال “گود”، محمد البكاري بعد خسارة رجاء بني ملال أمام الرجاء الرياضي والإقصاء من ثمن نهائي كاس العرش، على واش كاتأثر الصراعات والمشاكل بين مسؤولين الشركة الرياضية لرجاء بني ملال ومسؤولي الجمعية الرياضية للنادي، وجاوب وقال: “بصراحة اللاعب المغربي واخا كاتخليه فواحد الطريق مزيان باش يخدم فيها، ولكن هذه المشاكل تؤثر على اللاعبين ديالي، واخا هذا الشي راني جامع الگروب وهذا الشي مخليه داير نتائج إيجابية”.

وكمل محمد البكاري، وقال: “كانتمنى من مسؤولين مدينة بني ملال والمسؤولين على شركة رجاء بني ملال والمسؤولين على الجمعية ديال النادي، يكثفو الجهود ويتجمعو حيث عندهم فريق فالمستوى، ويقدرو فالـ9 الماتشات اللي مازالين يحققو حلم الصعود للقسم الأول”.