كود سبور//

واصل فريق نهضة بركان حصد النتائج الإيجابية، وحقق رباح جديد وسع بها الفارق على المطاردين مؤقتا، بعدما فاز على المضيف ديالو شباب السوالم اليوم الجمعة فتيران المحمدية برسم الدورة 22 من البطولة الاحترافية لكرة القدم.

وسالا الماتش بين نهضة بركان وشباب السوالم بنتيجة 4 لزيرو لمصلحة الفريق البرتقالي، وماركا اهداف نهضة بركان كل من اسامة المليوي فالدقيقة 14، وايوب خيري فالدقيقة 49، وعماد الرياحي فالدقيقة 51، ويوسوفو دايو الهدف الرابع فالوقت بدل الضائع من المباراة.

وبهذه النتيجة خداو نهضة بركان 3 نقاط جديدة، عزز بها الفريق الرصيد ديالو اللي ولى 55 نقطة، على بعد 16 نقطة مؤقتا من الوداد الرياضي المطارد، أما شباب السوالم بقات عندهم 22 ومحتلين المركز 14 اللي كايلعب براج الطيوح للقسم الثاني.