كود سبور//

توج فريق نهضة بركان رسميا بأول لقب له فالبطولة الاحترافية المغربية فالتاريخ ديالو، وهذا الشي قبل من 5 الدورات على نهاية البطولة.

وجا تتويج نهضة بركان بلقب البطولة الاحترافية، بعدما تعادلو واحد لواحد مع الضيوف ديالهم اتحاد التوارگة، اليوم السبت فتيران بركان برسم الدورة 25، وماركا الهدف ديال البركانيين اسامة المليوي فالدقيقة 66، وماركا التعادل للتوارگة يونس الدحماني فالدقيقة 83.

وبهذه النتيجة تقاسمو نهضة بركان واتحاد التوارگة نقاط الماتش، وكل واحد فيهم هذا نقطة واحد، ورفع نهضة بركان مول المركز الاول الرصيد ديالو إلى 60 نقطة، وربح رسميا لقب البطولة للموسم الرياضي 2024-2025، اما الفريق الرباطي ولات عندو 31 نقطة ومحتل للمركز 10.