الرئيسية > كود سبور > البطولة مازال مستمرة واخا كورونا رونات فراقي.. ومصدر مسؤول لـ”كود”: اتحاد طنجة مسؤول على إصابة لاعبيه لحقاش ما طبقش البروتوكول الصحي وماتش بركان يقدر يتأجل
09/08/2020 13:00 كود سبور

البطولة مازال مستمرة واخا كورونا رونات فراقي.. ومصدر مسؤول لـ”كود”: اتحاد طنجة مسؤول على إصابة لاعبيه لحقاش ما طبقش البروتوكول الصحي وماتش بركان يقدر يتأجل

البطولة مازال مستمرة واخا كورونا رونات فراقي.. ومصدر مسؤول لـ”كود”: اتحاد طنجة مسؤول على إصابة لاعبيه لحقاش ما طبقش البروتوكول الصحي وماتش بركان يقدر يتأجل

كود طنجة//

البطولة مازال مستمرة رغم كورونا ضربات بزاف ديال الفراقي، هادشي أكدوا عضو جامعي ل”كود”، هاد الصباح.

وزاد أكد ل”كود” باللي مسؤولي اتحاد طنجة كيتحملوا المسؤولية ديال إصابة 21 لعاب، لأنهم خالفوا البروتوكول الصحي، المنصوص عليه من طرف الجامعة والسلطات المختصة.

واضاف العضو الجامعي ل”كود” “ما فهمناش هادشي اللي وقع في طنجة، واش فريق كيتمشى با
بأزيد من 4 ديال المليار سنتيم، ما يخصص 2 في المائة على الأقل في تطبيق البروتوكول الصحي ويدخل اللعابة ديالو لكونسوتراسيون بدل يغامر بيهم، خصوصا أن طنجة تحولات إلى بؤرة وبائية، ومشحال هادي والفريق الطنجي ما بغاش يكمل البطولة، وداير المشاكل ويقدر يكون هادشي كامل نية مبيتة من جانب مسؤولي الفريق”.

مصدر إداري مسؤول بالجامعة أكد ل”كود” حتى هو أن الجامعة غادي تكمل البطولة ولا يمكن الغاء قرار سبق اتخاذه مسبقا، لكن في المقابل يقدر يتأجل الماتش كونتر بركان، الا توصلات الجامعة بقرار من السلطات المحلية.

هاد المصدر اتهم اتحاد طنجة بالتشهير بأسماء لاعبيه المصابين، وزاد أكد “هادشي ما شي معقول الفريق سرب اسماء اللاعبين للصحافيين في محاولة منه للضغط على الجامعة فقط، كما أن الإصابات لم تتأكد رسميا”.

وسبق لاتحاد طنجة أن نشر أسماء اللاعبين المصابين، وهم أنور جيد وسفيان الشراف وأحمد الشنتوف وطارق أوطاح ويوسف أنور وبدر مسرار وأيمن سديل وكمارا وأنس أصباحي وسفيان المودن وهشام المجهد وجونيور موكوكو وعبد الغني معاوي وطارق أستاتي وتوفيق إجروتن ونعمان أعراب.

وحاولت “كود” للاتصال بأحد مسؤولي اتحاد طنجة لمعرفة وجهة نظره حول الموضوع لكن دون جدوى.

موضوعات أخرى

24/09/2020 21:30

العلمي حدد خطة الانعاش الصناعي 2021/2023: استكشاف اسواق جديدة وجعل المغرب قاعدة عالمية اكثر تنافسية تجاه اوربا والاعتماد الطاقات البديلة

24/09/2020 20:30

حصيلة كورونا فالأقاليم والجهات اليوم: 994 تصابو و13 ماتو فكازا سطات.. والاصابات ارتفعات فسوس بسبب بؤرة فإنزكَان.. و217 تشافاو فدرعة تافيلالت