كود سبور//

انفرد فريق الجيش الملكي بالمركز الثاني من البطولة الاحترافية مؤقتا، بعدما ربح الضيف ديالو المغرب الفاسي يوم الجمعة 15 مارس 2025، ضمن الدورة 25.

وسالا الماتش بين الجيش الملكي والمغرب الفاسي، فتيران القنيطرة بنتيجة 3 لواحد لمصلحة الفريق العسكري، وماركا الاهداف ديال ليفار كل من يوسف الفحلي فالدقيقة 13 و 55، وعبد الفتاح حدراف فالدقيقة 19، وماركا الهدف الوحيد ديال الماص حمزة افصال من بينالتي فالدقيقة 45.

وبهذه النتيجة خداو الجيش الملكي 3 نقاط، وانفرد الفريق بالمركز الثاني مؤقتا برصيد 45، وغايتسناو المنافس ديالهم إلى الوصافة الوداد الرياضي اللي لاعب فهاد الدورة مع اتحاد طنجة، أما المغرب الفاسي تجمد الرصيد ديالو عند 38 نقطة، ومهدد يمشي له المركز السادس.

وفنفس الدورة ونفس التوقيت، حقق فريق اولمبيك اسفي رباح مهم على نهضة الزمامرة فتيران المسيرة الخضرا فمدينة اسفي.

وسالا الماتش بين بين اولمبيك اسفي والضيوف ديالو نهضة الزمامرة بنتيجة 2 لزيرو، لمصلحة عبدة، وماركا الهدفين بجوج كل من صلاح الرحولي فالدقيقة 64، وعبدولاي ديارا فالدقيقة 74.

وبهذه النتيجة خداو اولمبيك اسفي 3 نقاط مهمة، رفع بها الفريق العبدي الرصيد ديالو إلى 38 نقطة، وطلع مؤقتا للمركز السابع، أما نهضة الزمامرة بقات عندهم 40 نقطة وتراجع الفريق إلى المركز الخامس.