كود سبور//

غاتعرف صفوف الوداد الرياضي ضد المغرب الفاسي، اليوم السبت فتيران العربي الزاولي فكازا برسم الدورة 16 من البطولة الاحترافية، غياب المهدي موبارك اللي يعتبر عنصر أساسي ومهم في تشكيلة الفريق الأحمر.

وحسم الجنوب إفريقي رولاني موكوينا مدرب الوداد الرياضي، وقرر يبعد المهدي مباريك من الماتش ضد المغرب الفاسي، حيث اللاعب توعت فالحصة التدريبية الأخيرة للفريق قبل الماتش ضد المغرب الفاسي، وهي الحصة اللي كانت البارح الجمعة، وبالإضافة لمباريك غايب سيف الدين بوهرة لاختيارات تقنية.

وبالمقابل عيط رولاني موكوينا على 22 لاعب للمشاركة مع الوداد ضد المغرب الفاسي، ومن بينهم نسيم الشاذلي وعبد المنعم بوطويل اللي كانو غايب فالماتش اللي فات ضد نهضة الزمامرة، وباقي اللاعبين هما المطيع، أگزداو، مفيد اللي قدر يكون حاضر بعد مجهود من الطاقم الطبي بعدما كان توعت ضد الزمامرة فالماتش الماضي، وكاين ناسيك، مرموق، ضيراني، حركاس، بوشتا، آرثور، مترجي، ساخي، زمراوي، بنقطيب، بدرينيو، بونا عمر، رايحي، بوهرة، ناسي، مايلولا، انزو.