كود سبور//

سالا الماتش اللي جمع السبت ما بين المغرب التطواني وضيفو الدفاع الحسني الجديدي فتيران سانية الرمل فتطوان، بالتعادل ضمن الجولة 6 من منافسات البطولة الاحترافية لكرة القدم.

وتعادل المغرب التطواني مع الدفاع الجديدي بنتيجة بيت واحد لكل فريق، وتسنا الجمهور اللي تفرج فالماتش الشوط الثاني باش يشوف البيوت، بحيث غادي يكونو الجديدة هما الاولين اللي غادي يكاركيو بواسطة عبد الله فرح اللي سجل فالدقيقة 54، أمام المغرب التطواني فغادي يجيب التعادل فالدقيقة 71 حولها بنجاح محمد مسعود لهدف.

وتحصل كل فريق من بعد هاذ التعادل على نقطة واحدة، بحيث رفع المغرب التطواني الرصيد ديالو إلى 8 نقاط وطلع للمركز 8 مؤقتا، أمام الجديدة فرفعو ليبوان ديالهم إلى 9 نقاط، وطلعو مؤقتا للمركز 6.