كود سبور//

حرمو المغرب التطواني فريق الفتح الرياضي من صدارة البطولة الاحترافية، وطلعو هما للوصافة، بعدما ربحوهم اليوم الخميس فماتش لعبوه فسانية الرمل فتطوان، مؤجل عن الدورة 5.

وسالا الماتش بين المغرب التطواني والفتح الرياضي بنتيجة 2 لواحد، قدرو التطوانيين يخرجو رابحين فالشوط الاول بجوج لزيرو بهدفين ديال ياسين لامين فالدقيقة 5، وأيوب الودراسي فالدقيقة 43، أما الفتح ماركاو الهدف الوحيد ديالهم فالدقيقة 82 من بلانتي سجلو أيوب نناح.

هذا الرباح عطى 3 النقاط للمغرب التطواني وخلاهم يطلعو للمركز الثالث مع الوداد الرياضي برصيد 10 النقاط على بعد نقطة من المتصدرين الجيش الملكي ونهضة بركان اللي عندهم 11 نقطة، أما الفتح الرياضي فالبخسارة ديالو اليوم تحرم من الصدارة وبقى فالمركز 7 برصيد 8 النقاط.