كود سبور//

من المنتظر وبنسبة كبيرة يحسم فريق نهضة بركان لقب البطولة الاحترافية لكرة القدم، اليوم السبت فماتش الفريق ضد اتحاد التواركة فتيران بركان برسم الدوري 25.

وكاتوجد مدينة بركان والجماهير البركانية وكونات الفريق للتتويج بأول لقب بطولة احترافية فتاريخ الفريق البركاني، اللي محتاج غير نقطة واحد باش ياخد درع البطولة ويدخل حتى هو سجل أبطال المغرب.

ولاعبين نهضة بركان، اليوم السبت مع 10 الليل فتيرانهم ضد اتحاد التواركة، وغير التعادل يخليهم يحسمو وبشكل رسمي لقب البطولة، ولكن الفريق غايدخل باش يربح خصوصا وانه عندو مدرب واقعي بحال التونسي معين الشعباني اللي من غايبغي يخلي حتى حاجة للصدفة.

وعند نهضة بركان متصدر البطولة الاحترافية 59 نقطة، وهو بعيد على المركز الثاني اللي هو الجيش الملكي مول الـ45 نقطة، وبيناتهم 14 نقطة، على بعد 5 الماتشات من نهاية البطولة اللي فيها 15 نقطة ممكنة، أي ان نقطة واحد فماتش اتحاد التواركة كافية نهضة بركان لحسم اللقب والتتويج باللقب الاول فالتاريخ ديالو.