كود سبور//

مازال التنافس على تفادي النزول للقسم الثاني ملعوب بين جوج فرق فالقسم الاول من البطولة الاحترافية، وهذا الشي فالدورة 30 والاخيرة اللي غاتلعب غدا الاحد.

ويتعلق الامر بالمغرب التطواني المحتل للمركز 14 برصيد 23 نقطة وهو المركز اللي كايلعب الباراج ديال الطيوح، وشباب السوالم اللي محتلين المركز 15 برصيد 22 نقطة، وهو المركز اللي كايطيح نيشان للقسم الثاني.

لسخرية القدر، فالدورة 30 والأخيرة، غايلعبو فيها المغرب التطواني وشباب السوالم مع بعضياتهم، وغايكون الماتش غدا الاحد مع 8 الليل فتيران سانية الرمل، والتطوانين محتاجين للتعادل على الاقل باش ما يطيحوش نيشان ويبلعبو باراج الطيوح، اما السوالم خاصهم يربحو باش ما يطيحوش ويلعبو باراج الطيوح.

وللإشارة فحسنية اكادير حسمو المركز 13 اللي كايلعب الباراج نيشان وعندهم 29 نقطة، وغايلعبو الباراج ضد المحتل للمركز الرابع فالقسم الثاني، أما اللي غايتأهل من تطوان او السوالم للباراج فغايلعب ضد مول المركز الثالث فالقسم الثاني، مع العلم ان شباب المحمدية راه طاحو رسميا وقبل جولات للدوزيام ديفيزيون.