كود سبور//

حقق الوداد الرياضي رباح مهم على شباب السوالم، اليوم الخميس فبرشيد على شباب السوالم بنتيجة 2 لزيرو، برسم الدورة 29 من البطولة الاحترافية، وهو الرباح اللي حافظ به على الحظوظ ديالو باش يحتل المركز الثاني، ودابا كايحتل الفريق المركز الثالث برصيد 51 نقطة، اما السوالم الوضعية ديالهم خيابت والفريق محتل المركز 15 اللي كاينزل للقسم الثاني برصيد 22 نقطة.

وعن نفس الدورة وفنفس الوقت، ربح فريق الجبس الملكي فريق المغرب التطواني فالقنيطرة، بنتيجة 2-1 وليفار حافظو بهذا الرباح على المركز الثاني المؤهل إلى دوري أبطال إفريقيا وخاصهم يربحو الماتش الجاي او الوداد تخسر باش يبقاو فالدوزياما، ودابا عندهم 54 نقطة، والمغرب التطواني محتلين المركز 14 اللي كايلعب باراج الطيوح وعندهم 23 نقطة.