كود سبور//

تعادلو الوداد الرياضي مع اتحاد طنجة، اليوم السبت فتيران العربي الزوالي بمدينة الدار البيضاء، برسم الدورة 10 من البطولة الاحترافية لكرة القدم.

وسالا الماتش بين الوداد الرياضي واتحاد طنجة بنتيجة التعادل الايجابي 2 لجنة، وماركا الهدفين ديال الوداد كل من اسماعيل المترجي فالدقيقة 31، وعمار سيدي بونا فالدقيقة 83، والهدفين ديال طنجة فوزي عبد المطلب فالدقيقة 45، ومحمد سعود فالدقيقة 53 من بينالتي.

وبهذا التعادل خداو الفراقي بجوج نقطة واحد لكل واحد منهم، رفع بها الوداد الرصيد ديالو إلى 15 نقطة وطلع مؤقتا إلى المركز 5، واتحاد طنجة ولات عندهم 14 نقطة وطلعو مؤقتا إلى المركز 6.

وديما مع البطولة وعن نفس الدورة ونفس التوقيت، تعادلو الرجاء الرياضي مع المغرب التطواني فتيران سانية الرمل بتطوان، بنتيجة زيرو لزيرو.

وبهذه النتيجة خداو الفراقي بجوج نقطة لكل واحد فيهم، وولات عند الرجاء الرياضي 13 نقطة وطلعو مؤقتا إلى المركز 8، والمغرب التطواني ولات عندهم 7 النقاط محتلين المركز 15.