گود سبور//

طلعو المغرب الفاسي لصدارة البطولة الاحترافية، بعدما ربحو اليوم السبت المضيف ديالهم حسنية اكادير فتيران البشير فالمحمدية، ضمن الذرة الثانية.

الماتش بين المغرب الفاسي وحسنية أكادير سالا بنتيجة 2-1 لمصلحة الماص، فماتش دخلوه الحسنية فالمحمدية حيث تيرانهم مسدود وتلعب بلا حضور جمهور الماص الممنوع من التنقل بقرار من السلطات.

المغرب الفاسي سبقو جوج بيوتا على حسنية أكادير، ماركاهم لهم كل من المهراوي فالدقيقة 26، وماباسو من بينالتي فالدقيقة 39، والحسنية ماركاو الهدف ديالهم فالدقيقة 65 من بينالتي بواسطة عماد الرياحي.

وطلعو المغرب الفاسي ابطال الموسم الماضي، (طلعو) بهذا الرباح للصدارة برصيد 6 نقاط مع اتحاد التواركة، اما حسنية أكادير محتلين المركز السادس مؤقتا برصيد 3 نقاط.