گود سبور//

ودع فريق شباب المحمدية القسم الاول من البطولة الاحترافية، ونزل إلى القسم الثاني بعد الهزيمة امام فريق اتحاد التواركة برسم الدورة 24.

وسالا الماتش بين شباب المحمدية والمضيف ديالو اتحاد التواركة فتيران الخميسات بنتيجة 2 لواحد لمصلحة الفريق الرباطي، وماركا لهم الهدفين معاذ الضحاك، ويوسف قجعي، أما هدف المحمدية ماركاه لهم جعفر بي.

وبهذه النتيجة خداو اتحاد التوارگة 3 نقاط، رفع بها الفريق الرصيد ديالو إلى 30 نقطة ومحتل المركز 10 مؤقتا، أما شباب المحمدية فنزل بعد هذه الخسارة إلى القسم الثاني، ومحتل الفريق المركز الأخير برصيد 4 نقاط، وهذا الشي على بعد 6 الماتشات من نهاية البطولة.

وعن نفس الدورة، خسرو شباب السوالم مع الضيوف ديالهم أولمبيك اسفي فتيران القنيطرة بنتيجة واحد لزيرو، وماركا هدف المسفيويين ابراهيم البحراوي فالدقيقة 90.

وتجمد رصيد شباب السوالم بعد هذه الخسارة فالنقطة 22 ، والفريق محتل المركز 14 اللي كايلعب الباراج ديال الطيوح، امام اولمبيك اسفي خداو 3 نقاط مهمة، وولات عندهم 35 نقطة ومحتلين المركز 7 مؤقتا.