گود سبور//

حقق فريق المغرب الفاسي رباح مهم وكبير على حسنية أكادير اليوم الاربعاء ضمن الدورة 17 من البطولة الاحترافية، وهربو بالصدارة مؤقتا.

الماتش اللي تلعب فتيران فاس الكبير ربحو فيه المغرب الفاسي حسنية اكادير بنتيجة 4-0، هرماش فالدقيقة 30، وبنجديدة فالدقيقة 71 و76، وعفسال فالدقيقة 78.

المغرب الفاسي هربو بصدارة البطولة الاحترافية مؤقتا ورفعو رصيدهم إلى 37 نقطة، في انتظار نتيجة ماتش الرجاء الرياضي والجيش الملكي غدا الخميس فالكلاسيكو عن نفس الدورة، أما حسنية أكادير محتلين المركز 13 برصيد 16 نقطة.