كود سبور//

حقق النادي المكناسي مفاجأة كبيرة وربح المضيف ديالو المغرب الفاسي، اليوم السبت فتيران الحسن الثاني بمدينة فاس برسم الدورة 20 من البطولة الاحترافية.

وسالا الماتش بين المغرب الفاسي والضيوف ديالهم النادي المكناسي بنتيجة 3 لواحد، وكانوا الماص هما الاولين اللي ماركاو فالماتش بواسط زكرياء فاتي فالدقيقة 6، قبل ما يديرو الكوديم ريمونتاد وماركاو التعادل بواسطة انس المهراوي فالدقيقة 15، واستغلو طرد ايمن الشباني من طرف المغرب الفاسي فالدقيقة 55، وماركاو الهدف الثاني بواسطة انس المهراوي فالدقيقة 56، ومن وراها زادو الهدف الثالث بواسطة إبراهيم الإدريسي البوزيدي فالدقيقة 87.

وبهذه النتيجة خداو النادي 3 نقاط مهمة من قلب مدينة فاس، عزز بها الفريق الرصيد ديالو اللي ولى 25 نقطة، وطلع الفريق مؤقتا إلى المركز 8، أما المغرب الفاسي تجمد رصيدهم في 32 نقطة ومحتلين المركز 6.