كود سبور//

تلقى الرجاء الرياضي خسارة جديدة، وهذه المرة خسر الفريق مع الفتح الرياضي، اليوم الاحد فتيران البشير برسم الدورة 18 من البطولة الاحترافية.

وخسرو الرجاء الرياضي مع المضيف ديالهم الفتح الرياضي بنتيجة 2 لواحد، وكانوا الرجاء هما السباقين للتسجيل بهدف من رأسية الحسين رحيمي مع نهاية الشوط الأول، ولكن خلال الشوط الثاني نجح فريق الفتح الرئاسي وقلب النتيجة وماركا هدف التعادل بواسطة رضا العلاوي في الدقيقة 59، والهدف الثاني ديال الرباح ماركاه أيوب مولوع فالدقيقة 84.

وبهذه النتيجة خداو الفتح الرياضي 3 نقاط مهمة، رفع بها الفريق الرصيد ديالو إلى 32 نقطة وطلعو للمركز 5، أما الرجاء الرياضي غير غاديين فالخسران هذا الموسم، والوضعية ديالهم غير كاتزيد تصعاب، والفريق تجمد الرصيد ديالو عند 24 نقطة ومحتلين المركز 8 مع ماتش مؤجل.