كود سبور//

رجع فريق الرجاء الرياضي لحصد النتائج السلبية، وسالا مرحلة الذهاب من البطولة الاحترافية بخسارة أمام الدفاع الحسني الجديدي، اليوم الاربعاء فتيران العبدي بالجديدة ضمن مؤجل الجولة 14.

وسالا الماتش بين الدفاع الحسني الجديدي والرجاء الرياضي بنتيجة 2 لزيرو، وماركا الجوج بيوتا ديال الفريق الدكالي كل من ياسين فاتين فالدقيقة 45، ومصطفى السهد فالدقيقة 85.

وبهذه النتيجة ضيعو الرجاء الرياضي فرصة أنهم يقفزو فالترتيب ديال البطولة إلى المركز الثالث والانفراد به، وبقاو فالمركز 6 برصيد 23 نقطة، والجديدة وصلو عليهم وعندهم حتى هما 23 نقطة.