كود سبور//

رجعو الرجاء الرياضي لحصد النتائج السلبية، وطاحو فالتعادل مع المغرب التطواني اللي لاعب على الطيوح، اليوم الاحد فتيران العربي الزاولي بالدار البيضاء برسم الدورة 25 من البطولة الاحترافية.

وسالا الماتش بين الرجاء الرياضي والمغرب التطواني بنتيجة التعادل الإيجابي واحد لواحد، وماركاو الرجا هما الاولين بواسطة الحسين رحيمي فالدقيقة 17، وتطوان ضربو التعادل بواسطة حمزة الدرعي فالدقيقة 17.

وبهذه النتيجة قسمو الرجاء الرياضي والمغرب التطواني نقاط الماتش، وكل فريق منهم من خدا نقطة واحدة، وولات عند الرجا 37 نقطة ومحتلين المركز 8، والمغرب التطواني بقاو غارقين فالمركز قبل الأخير اللي كايطيح القسم الثاني وعندهم 16 نقطة.