كود سبور//

حقق الرجاء الرياضي نتيجة ايجابية جديدة، بالفوز على شباب السوالم اليوم السبت فتيران العربي الزاولي بالدار البيضاء، برسم الدورة 21 من البطولة الاحترافية، وهو ثاني ماتش كايلعبو وكايربحو الفريق الاخضر تحت قيادة المدرب الجديد التونسي لسعد الشابي.

وسالا ماتش الرجاء الرياضي والضيوف ديالو شباب السوالم بنتيجة 2 لزيرو لمصلحة النسور، وسجل هذا الفريق الاخضر الحسين رحيمي فالدقيقة 43، وماركاو الرجا هدف ثاني وحيدو الحكم بداعي التسلل، وكان الحسين رحيمي غايماركي هدف آخر ولكن التسديدة ديالو ضربت فالعارضة، قبل ما يسفر الحكم على بينالتي للخضرا فاللحظات الأخيرة بعد إشعار من الـVAR، ونجح ادم النفاتي وماركا منو الهدف الثاني للرجا.

وبهذه النتيجة خداو الرجاء الرياضي 3 نقاط مهمة بزاف، رفع بها الفريق الرصيد ديالو إلى 31 نقطة، محتل المركز 7، أما شباب السوالم فتأزمت الوضعية ديالو ضمن المراكز ديال البراج ومحتل المرتبة 14 برصيد 22 نقطة.