گود سبور//

رجعو الرجاء الرياضي للنتائج الإيجابية، وحقق الفريق رباح مهم اليوم الاحد على الضيف ديالو الدفاع الحسني الجديدي ضمن الدورة 18 من البطولة الاحترافية، فماتش عرف غياب الجمهور على ستاد دونور بسبب عقوبة الويكلو اللي على الخضرا بعد احداث الكلاسيكو.

الماتش بين الرجاء الرياضي والجيش الملكي سالا بنتيجة واحد لزيرو لمصلحة الرجاء الرياضي، واللي قدرو يماركيو الهدف ديال الرباح بواسطة أيوب العملود فالدقيقة 14، وكان بإمكان الخضرا يزيدو أهداف اخرى فماتش لعبو فيه باقتصاد، وحتى الجديدة ما داروش خطورة كبيرة على شبكة الفريق الخضر.

الأجواء كانت باردة فالماتش بين الرجاء الرياضي والدفاع الحسني الجديدي بسبب غياب الجمهور، وهذا الشي اثر حتى مستوى الفريقين واللاعبين اللي كان الأداء ديالهم متوسط مع سيطرة الرجا على الكورة ومرة مرة الجديدة كانو كايحاولو بالكونطر أطاك ولكن الكورة تلعبت بزاف وسط التيران.

وبهذه النتيجة خداو الرجاء الرياضي 3 نقاط مهمة رفع بها الفريق الأخضر الرصيد ديالو إلى 36 نقطة على بعد 2 نقاط من الصدارة، ومحتلين المركز الثاني مؤقتا، أما الدفاع الحسني الجديدي بقات عندهم 27 نقطة ومحتلين المركز السادس.