كود سبور- الزمامرة//

حقق الرجاء الرياضي رباح مهم صعيب فأول ماتش مع المدرب الجديد التونسي لسعد الشابي، اليوم الاحد على فريق نهضة الزمامرة مفاجأة هذا الموسم  برسم الدورة 20 من البطولة الاحترافية.

وسالا الماتش بين الرجاء الرياضي ونهضة الزمامرة اللي تلعب اليوم الاحد فتيران احمد شكري بالزمامرة (سالا) بنتيجة 2 لواحد لمصلحة النسور، وماركاو الرجا هما الأولين فالشوط الأول عن طريق الحسين رحيمي، وتعادلو الزمامرة فالشوط الثاني بواسط ولد الرجا عبد الله فرح اللي ماركا على الفريق ديالو الأم، مع العلم أن الزمامرة زگلو بيلانتي قبل منها وتصدى له الگول الرجاوي عبد الله فرح، وقبل من نهاية الماتش بلحظات قليلة قدرو الرجا يجيبو بيلانتي وماركا منو آدم النفاتي الهدف الثاني ديال الرباح للخضرا، وسط فرحة كبيرة ديال الرجاويين اللي كانوا حاضرين الماتش من مدينة الزمامرة، مع العلم أنه تم السماح للجماهير بالدخول للملعب بالبطاقة الوطنية حيث جمهور الرجا تمنع من التنقل إلى الزمامرة.

وبهذه النتيجة خداو الرجاء الرياضي 3 نقاط مهمة، رفع بها الفريق الرصيد ديالو إلى 28 نقطة ومحتلين المركز 8، أما نهضة الزمامرة تجمد الرصيد ديالو عند 37 نقطة ومحتلين المركز الثاني مع الجيش الملكي.