كود سبور//

حقق فريق حسنية اكادير رباح مهم على أولمبيك اسفي اللي غارفين اللتحت فترتيب البطولة الاحترافية لكرة القدم، فماتش دخلوه السوسيين فتيران برشيد اليوم الاثنين ضمن الدورة 18.

وسالا الماتش بين حسنية أكادير وأولمبيك اسفي بنتيجة 2-1 لمصلحة غزالة سوس، واخا المسفيويين هما اللولين ماركاو بواسطة موسى كوني فالدقيقة 8، ولكن مدرب حسنية اكادير هلال الطير واللعابا ديالو عرفو كيفاش يرجعو فالماتش واستغلو طرد عماد سربوت لاعب اسفي فالدقيقة 21، وفالشوط الثاني وبالضبط فالدقيقة 58 قدر بابا ايلو يماركي التعادل للحسنية، ورجع نفس اللاعب وماركا الهدف الثاني ديال الرباح فالدقيقة 61.

هذا الرباح خداو منو حسنية اكادير 3 نقاط مهمة، رفع بها الفريق الرصيد ديالو إلى 19 نقطة ومحتل المركز 11، اما اولمبيك اسفي غارقين فالمركز 15 برصيد 12 نقطة.