كود سبور//

سالا ماتش الكلاسيكو بين فريق الجيش الملكي والرجاء الرياضي بالتعادل السلبي مساء اليوم الاحد فتيران القنيطرة، برسم الدورة 22 من البطولة الاحترافية.

وكان الماتش متوسط بزاف بين الفريقين وحتى فرص التسجيل قليلة بزاف، واخا المدربين سوا ديال الجيش الملكي أو الرجاء الرياضي دارو تغييرات وقلبو على الحلول ولكن بقات النتيجة كما هي زيرو لزيرو، وكتبقى أحسن فرصة فالماتش هي الكوفرة ديال ليفار اللي ضربها أمين زحزوح وضربت فالبارا من جهة 90 ديال مرمى الگول الرجاوي مهدي الحرار، ومن وراها رد ادم النفاتي فاللحظات الأخيرة بكورة ضربها من بعيد مشات فوق مرمى ليفار بشويا.

وبهذه النتيجة قسمو الجيش الملكي والرجاء الرياضي نقاط الماتش، وكل فريق خدا نقطة وحدة، وليفار مشى لهم المركز الثاني وولات عندهم 38 نقطة، ورجعو للمركز الرابع، والرجاء الرياضي ولات عندهم 32 نقطة وبقاو محتلين المركز 7.