كود سبور//

خرج ماتش الدفاع الحسني الجديدي والضيف ديالو المغرب الفاسي بالتعادل الإيجابي بين الفريقين، اليوم الاحد فتيران العبدي بالجديدة برسم الدورة 21 من البطولة الاحترافية.

وسالا الماتش بين الدفاع الحسني الجديدي والمغرب الفاسي بنتيجة التعادل الإيجابي هدف واحد لمثله بين الفريقين، وماركو الماص هما الاولين فالدقيقة 77 من بينالتي سجلو حمزة الجناتي، ومن وراها ماركاو الجديدة هدف التعادل بواسطة يوسف عربيدي فالدقيقة 88.

وعرف الماتش حضور النجم الإسباني جيرارد بيكي، اللي جا هاذ الصباح للمغرب بدعوة من الستريمر إلياس المالكي صاحبو.

وبهذا التعدل قسمو الفريقين نقاط الماتش، وكل فريق خدا نقطة واحدة، ورفع الدفاع الحسني الجديدي الرصيد ديالو إلى 25 نقطة ومحتلين المركز 11، والمغرب الفاسي ولات عندهم 34 نقطة ومحتلين المركز 6.