كود سبور//

تصالحو أولمبيك اسفي مع النتائج الإيجابية، وقدرو يربحو الضيف ديالهم فريق شباب السوالم، اليوم الجمعة فتيران زمامرة برسم الدورة 9 من البطولة الاحترافية.

وسالا الماتش بين اولمبيك اسفي وشباب السوالم بنتيجة واحد لزيرو لمصلحة المسفيويين، وماركا الهدف ديال اسفي حارس مرمى السوالم حسان الدغمي على راسو فالدقيقة 56، مع العلم ان المباراة تلعب فتيران الزمامرة حيث تيران المسيرة الخضرا فآسفي كايتصلح.

وبهذا الرباح خداو أولمبيك اسفي 3 بوان رفع بها الفريق الرصيد ديالو إلى 11 نقطة ونقز مؤقتا إلى المركز الثامن، أما شباب السوالم فالفريق تجمد الرصيد ديالو عند 12 نقطة ويحتل مؤقتا المركز 7.