كود ـ سبور//
كيواصل البطل المغربي سفيان البقالي التألق فعالم ألعاب القوي، وحقق اليوم الأحد إنجاز جديد بالدوري الماسي.
ونجح العداء المغربي سفيان البقالي في أنه يربح ملتقى سيليزية البولونية ديال الدوري الماسي، بعدما ربح سباق 3000 متر موانع اللي دخل فيه هو الأول.
وكيجي هذا الإنجاز الجديد للبطل العالمي والأولمبي سفيان البقالي، بعد أسابيع قليلة على الفوز ديالو بالدوري الماسي ديال ستوكهولم وقبل منو د الرباط.
