كود سبور//

كيستعد البطل العالمي في رياضة “الكيك بوكسينغ” المغربي بدر هاري باش يرجع للحلبة بعدما كان خسر عدد من النزالات وكعاو عليه لمغاربة، وأبرزها النزال اللي كان مع “ريكو” اللي كان تهرس فيه بدر.

البطل المغربي هاري هاد المرة غادي يتقاتل مع الهولندي “أليستر أوفريم” في نزال (كوليزيون)4 اللي غادي يدوز انهار 8 أكتوبر الجاري فمدينة آرنهايم الهولندية.

بدر هاري قال باللي وجد لهاد النزال، وأكد في حوار مع قناة “فيديو لاند” الهولندية باللي كيشوف راسو غادي يربح هاد النزال حقاش خدم ليه مزيان هادي مدة، مؤكدا باللي مغاديش يسمح لأوفريم باش ياخد داكشي اللي بغا.