كود مراكش //

البطل الأولمبي فالجيدو تيدي رينير خمسات المرات ، قرّر يدخل لعالم البيزنس، وفتح رياض غالي  فـ مراكش سميتو “Riad Nashira” الافتتاح كان نهار 3 أبريل، ودّار هاد المشروع شْركة مع أوليفيا وفيليب فيران ،الرياض كاين فقلب المدينة القديمة (المدينة العتيقة).

هاد الرياض فيه 17 لشومبر  وسويت، وكيقدم واحد النوع ديال الفخامة العصرية اللي كتجمع بين الأناقة والبساطة و التقاليد المغربية ، الرياض فيه سبا، حمام مغربي، وثلاثة ديال البيسينات.

وفلاطيراس كاينة طلة على سطوح المدينة القديمة وعلى جامع الكتبية، وحتى على جبال الأطلس .

حسب الشركاء، هاد الرياض كيعتمد على تفاصيل دقيقة وجودة فالمواد، وكيقدم تجربة راقية فاستقبال الضيوف، بطريقة عصرية ولكن مرتبطة بالهوية المراكشية.