الرئيسية > آش واقع > البروفيسور عفيف لـ”كَود”: من المتوقع توصلنا 4 مليون و200 ألف من الفاكسانات المتنوعة.. وها علاش فتنا عتبة تلقيح 4 مليون و250 ألف شخص 
01/04/2021 14:00 آش واقع

البروفيسور عفيف لـ”كَود”: من المتوقع توصلنا 4 مليون و200 ألف من الفاكسانات المتنوعة.. وها علاش فتنا عتبة تلقيح 4 مليون و250 ألف شخص 

البروفيسور عفيف لـ”كَود”: من المتوقع توصلنا 4 مليون و200 ألف من الفاكسانات المتنوعة.. وها علاش فتنا عتبة تلقيح 4 مليون و250 ألف شخص 

هشام أعناجي – كود الرباط //

كشفت سعيد عفيف، رئيس الجمعية المغربية للعلوم الطبية والفدرالية الوطنية للصحة، وعضو اللجنة العلمية للتلقيح، في اتصال “كَود”، أنه من المرتقب أن يتوصل المغرب بـ 4 مليون و200 ألف جرعة من اللقاحات المتنوعة، ضمنها 2 مليون جرعة من فاكسان “سينوفارم”، و1.2 مليون جرعة من فاكسان “أسترازنيكا-كوريا” ضمن برنامج “كوفاكس”، ومليون جرعة من “سبوتنيك-V” ديال روسيا.

وأوضح البروفيسور عفيف لـ”كَود” أنه :”لا يوجد وقت محدد للتوصل بهذه اللقاحات، وتمت وعود من طرف الصين وروسيا للحصول على اللقاحين “سينوفارم” و “سبوتنيك-V”، مضيفا :”الايجابي بزاف هو أن وزارة الصحة تعلن عن اللقاحات فقط عندما تتوصل بها، حتى كنشدوها عاد كنقولها”.

وبخصوص تجاوز المغرب لعتبة تلقيح 4 مليون و250 ألف شخص مع العلم أنه حصل على 8.5 مليون جرعة “أسترازينيكا و سينوفارم”، كشف مولاي عفيف لـ”كَود” :”في العلبة الواحدة كتكون 10 جرعات، ولكن احيانا كنلقاو 11 جرعة، هادشي بالنسبة ل فاكسان “أسترازنيكيا”، في حين “سينوفارم” كيبقا العدد هو هو”.

وحسب المتحدث، من المتوقع نوصلو لتلقيح 4 مليون و400 ألف شخص، بدل 4 مليون و250 ألف شخص المقررة.

إلى حدود أمس خدا 4 مليون و320 ألف مغربي ومغربية، الجرعة الاولى، فايتين 4 مليون و250 الف اللي كانت مرتقبة تزامنا مع عدد الجرعات اللي عندنا (8.5 مليون جرعة ف الطوطال).

وفي سياق متصل، كشفت ميديا 24 أنه، في ظل أزمة اللقاحات، أصيب ما يقارب 2000 شخص بفيروس كورونا بعد تلقيهم الجرعة الأولى من اللقاح “أسترازينيكا و سينوفارم”، وذلك قبل تلقيهم الجرعة الثانية.

هؤلاء المصابين لم يحترموا الاجراءات الاحترازية، لذلك خصهم يتسناو شهر ديال العلاج باش ياخدو الجرعة الثانية، حسب ما كشف عنه موقع “ميديا 24”.

وإلى حدود يوم أمس الأربعاء 31 مارس الجاري، تلقحو فالمغرب ضد كورونا 4320349 بالجرعة اللولة، و3674251 خداو الجرعة الثانية منهار بدات حملة التلقيح.

وحسب احصائيات أمس، ولات عندنا 676 اصابة جديدة بالفيروس، وماتو اليوم 5، وفالمجموع مازال 3916 كيتعالجو، مما يعني الاصابات والوفيات في ارتفاع.

موضوعات أخرى

18/04/2021 21:30

الڤاكسان غادي يزيد يقلال .. الإبراهيمي: سينوفارم وسبوتنيك غادي يبقاو أوفياء لاستراتيجية “التقطير” وخاص نصب كل جهدنا للحصول على اللقاحات الأمريكية

18/04/2021 21:00

رمضان وكونفينمون (الحلقة 4).. طارق البخاري فحوار مع “كود”: كنجيب لصاحبي ياكل فنهار رمضان غير ماياكلش حدايا وهانياتون.. وشي أوجه محتكرين ميدان التمثيل وديما كيمثلو نفس الشخصية بدون إبداع

18/04/2021 20:00

شوهة MBC5.. نشطاء ومعلقين ماخلاوش لمسلسل “سلمات أبو البنات” بالانتقاد: النيفو ديال هاد الجزء كفس من اللول فالحوار والأحداث وكامل مضامين رجعية وذكورية – تدوينات

18/04/2021 19:20

قيامة 2021 بدات فالصحراء.. حزب الإستقلال هاجم بلدية الداخلة بقوة واتهمها بتحويل شبه الجزيرة إلى مكبات عشوائية للنفايات وْفضح فشلها فتدبير جميع القطاعات الحيوية والأوضاع الكارثية بالمدينة

18/04/2021 19:00

واش داك المسلسل ديال بنات العساس كايضحكو على المتفرج ؟! جايبين منى فتو عندها خمسين عام و بوطازوت عندها ربعين عام باش يمثلو الدور ديال مراهقات صدقو كايبانو متخلفات عقليا ! عيالات شخشات كولا وحدة يا وحدة دايرين گرينات و كاينقزوا هادو ماشي بنات العساس هادو عيالاتو !